SEMPACUM vel SEMPACHIUM velgo SEMPACH

SEMPACUM, vel SEMPACHIUM, velgo SEMPACH
oppid. Helvetiae, in Argovia regione ad caput lacus cognominis, vulgo Sempacher-See, de quo infra. Olim proprios habuit Nobiles, e quibus Albertus floruit, circa A. C. 1166. Dein ad Austriacam familam pervenit. Incolae ius civitatis adepti sunt a Lucernensibus, A. C. 1385. a quibus praesidium accepêre bellô contra Leopoldum Archiducem, qui A. C. 1386. oppidum gravi obsidione cinxit, mox ab Helvetiis, quos nimis contemptim spreverat, ingenti clade die 9. Iulii affectus caesusque. A quo tempore Sempachium, una cum Surseio oppid. in Lucernatum clientela esse cepit: habet tamen proprium Consilium, causas tam civiles, quam criminales iudicans; cuius princeps der Schultheiss, a Senatu Lucernensi, sed ex civium Sempachianorum numero eligitur. Lacus supra dictus, prope Sempachium incipit, Orientem versus: oppidulum vero Surseium, ad egressum fluvii Sur ex isto lacu, vi a Meridie Septentrionem versus porrigitur, situm est, vide Stumpf. Chron. Helv. l. 7 c. 35. Simlerum de Rep. Helv. Ioh. Bapt. Palntin. Helv. Nov. antiq. etc.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.